2011年6月13日 星期一

福有 "油" 歸

早前在 BLOG 友昇仔老豆所介紹的阿聯酋生活優點: (一) 居住環境 (續)中, 得知阿聯酋人民的福利非常好, 再上網看看有關資料, 眼前一亮! 也許來自石油的收入太可觀, 阿聯酋政府對國民真的不錯!
BEAR 講完, 他返公司跟同事再 "八卦" 一下當阿聯酋國民還有甚麼著數.
1. 出生可領一塊由政府送出的地.
2. 每人每月有 Dhs 3000 - 5000 生活費.
3. 結婚時政府會給你 Dhs 一百萬.
4. 學費全免, 包括大中小學, 還有零用錢, 獎學金.
5. 出國留學, 學費政府會負責, 政府也會承擔陪讀的父母妻兒的生活費.
6. 醫療, 水電, 煤氣等雜費只收取每個月幾十元的象徵式收費.
國民沒有工作, 政府還會幫手搵工. BEAR 的同事說了一個有趣的現象: 當政府幫國民找到工作, 譬如說人工是 Dhs 一萬 (現實情況是: 國民月薪最少要有兩萬), 很多國民都會將這份工轉讓出去給其他 expat, expat 人工 Dhs 1000, 國民就可以將 Dhs 9000 袋袋平安, 還不用工作!
一個督察的月薪, 據說也有 Dhs 十萬. 朋友問這位督察為甚麼能有這麼高人工, 督察說: "because I will never betray my country." 我心想大部份人都不會 betray 自己的國家呀!"
我懷疑在 UAE 國民中, 是沒有窮人的.
所有福利都是拜石油所賜吧!
想做阿聯酋國民也絕對不容易. UAE 出世的外國 BB 是不會有 UAE 籍的, 都是跟隨父母親原本的國; 外國人跟 UAE 國民結婚, 15 年後才能入籍; 若計個人居留的話, 要在 UAE 連續居留 30 年才有機會成為 UAE 國民.
: Dhs 1= HKD 2.11

2011年6月4日 星期六

BEAR 的新玩具

換 MON 記 裡的實驗証明電腦 MON 不一定大就好, 太大反而令眼睛不舒服, 用來打機會頭暈.
前幾次逛電器舖, 都找不到 BEAR 想買 的 MON, 得出的結論是 Abu Dhabi 還未入貨. BEAR 想趁 7 月回香港時買, 自己帶過來. 我極力反對! 你估像剛來的時候有運輸公司安全托運咩?! 弄花個 MON 或有甚麼閃失點算?! 
說起那時, BEAR 公司請了運輸公司替我們運日用品過來, quota 是 12 噸, 我們真是甚麼也 pack 過來. 大至吸塵機, 熨衫板, 地拖, Wii+Wii Fit, 電腦, 真空煲, 電飯煲, 焗爐, 腳踏健身器等....小至大量衣架, 棉花棒, 包裝紙巾等.... (我甚至想過買一套梳化過來!) 想起真是好笑. 那時越洋過海有很多趣事, 有機會再分享. 
話說回來:
早幾日再行 PLUG-INS, 見到心水 MON 有貨了. 太高興. 
BEAR 之前一早做好 research, 看了網上很多 review, 覺得這款 MON 不錯, 所以見到有貨, 幾乎可以即刻去付款了. 不過 BEAR 還是心大心細, 買這款心水 SAMSUNG 好, 還是有 3D 裝置的 LG 好?
PLUG-INS 的售貨員好好人, 讓我們用店內的電腦上網看一下再作決定.
最後 BEAR 買了 SAMSUNG.
回家後 BEAR 就像小朋友一樣, 急不及待拆他的新玩具.
BEAR 無啦啦說了一句: 算啦, 男人都係俾外表靚嘅嘢迷惑架喇... (笑死我) 他說 LG 不是不好, 但論外型, SAMSUNG 確實是 smart 一些!
24" 的 MON 剛剛好. 

2011年6月2日 星期四

唔好扮 MAN!

今日在網上睇到篇新聞, 睇完除咗笑之外俾唔到其他反應...

篇新聞係講杜拜一條新規條, UAE 已經有好多好有趣的規條, 例如: 唔可以飲醉酒, 唔可以隨便講粗口, 唔可以當街當巷 KISS.

今次這一條新規條真係非常有趣, 我睇完自己一個喺屋企大笑...



條新規條就係, 女士唔可以作太男性化的打扮, 否則有可能會俾便衣警察拉.

點樣為之男性化打扮呢? 根據報導, 以下幾點是一些 indicator: (只是 indicator, 不代表有以下裝扮就會俾警察拉.)

1. 戴男裝手錶

2. 搽男性止汗劑 / 男人香水

3. 穿男裝衫

4. 短頭髮!!!

5. 行為粗魯!!! (包括行路姿態)

便衣警察會在杜拜各大小商場及各大學巡邏, 見到啲好 MAN 嘅女士會截停, 初犯就會俾口頭警告, 再犯會 "的" 返警署調查, 最嚴重可以判入監.

據說, 立呢條規條係為保護女士應有的形象.

古代的花木蘭同祝英台, 如果宜家喺杜拜, 應該俾人拉咗.

禍從口出後又一力作.