2011年5月29日 星期日

和 Muslim 做朋友

來了 UAE 生活將近 8 個月, 我認識的朋友不多, 大部份都是 BEAR 的同事. 朋友當中多數是 Muslim, 和他們相處, 有很多趣事, 都是我們以前未體驗過的.

1. "豬" 不可露眼

Muslim 不吃豬很多人都知. 有一次我們去 BBQ, 本來準備了豬肉, 因有 Muslim 朋友加入, 所以不能燒. Muslim 不單不吃豬肉, 連煮過豬肉的工具也不可返用, 總之就是要避免 "交叉接觸."
另外有一次, 新加坡朋友帶來一隻豬型電筒, 在展示之前都禮貌地和 Muslim 朋友說聲 "no offense."

2. 食物要 Halal

Muslim 吃的肉類有特定的宰殺方式, 要以割斷喉的方法, 並在宰殺動物前祈禱. 可供 Muslim 吃的食物, 會寫上 Halal. BEAR 的同事有一次去香港出差, 他說在香港冇啖好食, 香港的食物不是 Halal 吧! 因宗教的關係, 他在香港每天都只能吃沙律和麵包.
罐頭午餐肉右上角註明是 Halal.




3. 一樣 + 特長的名字

很多 Muslim 都有相同的名字, 都是 Mohammad. BEAR 的同事當中, 就有十多個叫 Mohammad. 朋友笑說, 若在中東忘記別人的名字, 隨便叫 "Mohammad" 都有很大機會會撞中. 更有趣的是, 他們的名字都特長, 有一位朋友的名就是 Mahmoud AXX EX AXXX RXXXX OXXX, 另一個就叫 Mohamed LXXXX Mohamed Mohamed.   


4. 突然 "告辭"


Muslim 一日要祈 5 次禱, 他們都很準時. 有時候 BEAR 正和朋友對話, 但當到了祈禱的時候, 朋友都會禮貌地請辭去祈禱. 而且他們都是很虔誠的, 有時朋友半夜點幾兩點先放工, 都會堅持早上 5 時許起身祈禱.

2011年5月24日 星期二

心情上落的一天

昨日絕對係心情大起大落的一日.

早上起身, 和 BEAR 小爭執了幾句. 午飯之前和好如初, 下午還一起去游水.

準備出外晚飯時, 又因小事而大吵!

我和 BEAR 都是在生氣時會口不擇言的人, 所以每次嗌交, 都會有很激烈的口角. 其實只要是但一方沉得住氣, 就不會嘈得那麼厲害.

幸好我們每次嗌交都不過夜, 通常幾小時之內就會和好如初, 變回一對恩愛小夫妻.

和好之後, 如常和約好的朋友出外晚餐. 今次晚餐的地點是 Lebanese Flower, 是一間在 Abu Dhabi 幾出名的黎巴嫩餐廳.

今次同行有位中東朋友, 和餐廳同聲同氣, 點菜自然得心應手, 點菜方便些, 也可以落 special order. 還有, 今餐的甜品及餐茶都是免費的!

中東菜色以烤肉為主, 配合多種香料, 非常美味!


同行的朋友想吃乳鴿, 不過餐廳沒有, 於是點了左手邊那樣, 是一種雀鳥, 味道像雞.

吃中東菜怎少得 Lamb Chop!


晚飯過後, 去超市買餸, 然後高高興興手拖手回家去.
今天是爸爸的生日!
祝爸爸生日快樂! 身體健康! 每日都開開心心!

2011年5月22日 星期日

換 MON 記

BEAR 最近想換新電腦 MON, 從網上看中的幾款大 MON Abu Dhabi 都沒有售賣. 杜拜有幾間超大的電器舖, 希望可在那裡找到 BEAR 的心水 MON.    
昨日 BEAR 為了一試以大 MON 打機的快感, 他把家裡一部準備賣出去的舊電視換作電腦 MON.
初時的感覺: 效果不錯! 我試過用來玩 RC, 大 MON 加上 full screen, 感覺非常好. 

可是, 用了一日大 MON, 眼睛頂不順, 這個 "電視" 作為一個電腦 MON 實在有點太大!
純粹攪笑. 
題外話: 之前從超市買了 Lipton 的 Chai Latte, 味道像極港式奶茶!
太好了! 之前買了茶包, 煉奶, 花奶, 諗住自製港式奶茶卻不成功! 以後想飲就可以買這款 Chai Latte. 


2011年5月19日 星期四

天花滴水

昨晚訓到半夢半醒時, 隱約聽到 BEAR 說我的廁所滴水滴得好犀利.
今朝起身, 想起 BEAR 的說話, 不知道是自己發夢, 還是真有其事, 於是去廁所看個究竟.
天呀!!! 真的是滴水呀!!! 
廁所整個地下都濕透.
於是立刻叫人來整, 因為今天不整好的話, 明天後天是 weekend, 師傅不開工, 要等到星期日先有師傅, 那就麻煩了.

師傅拆開天花檢查過後, 說是廁所的其中一條冷氣喉高低不平衡, 有空隙, 所以有水從喉漏出來. 他再拆開另一面的天花, 把冷氣喉擺好, 問題就解決了.
至於天花的裂痕, 待 weekend 過後再找師傅來修補.
不幸中的大幸, 我們初時以為是樓上的浴缸漏水, 幸好只是冷氣喉不平衡所致, 否則就大工程了.

2011年5月9日 星期一

BEAR 的生日蛋糕

BEAR 今日牛一, 佢話係 "熊一" 喎.

同 BEAR 過咗咁多年生日, 都未整過蛋糕俾佢, 今年試下整啦!

太複雜的花款就唔好攪我喇, 簡簡單單, 唔會失手! 所以今次整的是芝士蛋糕, 食譜是很多年前媽媽的同事俾的, 以前媽媽都整過俾我地食.



至於今晚的晚餐, 當然是去我們至愛的 Fairmont Hotel, 第一次想去的時候覺得有啲貴, 不過因為太正, 所以我地宜家都會一個月去一次.

可惜有點失望, 今日竟然冇帶子刺身同 Prime Rib!!!



BEAR 拿了兩日 A/L, 明日我們會出杜拜玩 2 日 1 夜. 返黎再見喇!

2011年5月3日 星期二

杞人憂天

星期六那天和 BEAR 的同事一起去 Al Ain BBQ, 原本會去埋花展的, 但因為遲了出發去不成, 太可惜.
今次我們買了駱駝肉 BBQ, 算是 Freaky Food? 我只食了一口, 食落口感有點像羊肉. 不過是加了 herbs 來醃的, 所以其實食不到駱駝味.

在 Al Ain 可以浸溫泉, 有興趣可看看之前的 BBQ @ Al Ain. 那裡環境不錯的, 不過上次介紹過, 今次就不說了, 免得太長氣.
入正題...

面上長了一粒暗瘡, 個多月都仲未好, 我很少有這種情況, 所以昨日終於去睇了皮膚科. 這個醫生是有人介紹的.

一入到診所, 醫生問過簡單個人資料, 就叫我訓低, 我以為他是幫我檢查一下粒瘡. 誰知他拿了針和一些工具, 二話不說篤我粒暗瘡. 其實我想避開, 但已經太遲, 醫生已動了手. 幸好他有在我面前把他雙手同工具消毒.

針的時候感覺有啲 "東西" 被針出來, 好痛. 針完生瘡的位置紅了, 還有流少少血.

我其實覺得好奇怪, 唔係話暗瘡唔好拮的嗎? 我即時對這個醫生失去所有信心, 原本準備問他的一些問題最後都冇問, 看完就嗱嗱聲走人.

醫生開了一隻藥膏同幾日藥俾我, 由於冇晒信心, 搽藥膏 OK, 但我唔敢亂食藥. 所以返屋企即時 email 香港的家庭醫生, 問一下意見.

昨晚訓得不太好, 雖然只是偶爾的一粒暗瘡, 但我很擔心拮完會有甚麼後遺症, 或者發炎...那豈不是比未看醫生之前還差?!

今朝醒來, 照下鏡, 生暗瘡的位置已完全平返晒, 只有一個小小俾針拮的傷口.

太好了. 呢一粒暗瘡足足生咗一個多月呀!

哈哈! 昨天的擔心是多餘的.

應該要對醫生有信心!