辣酒煮蜆

昨晚和 BEAR 去杜拜鋸扒, 我們點了肉眼扒和久違了的 Prime Rib, 好美味!

不過因為昨晚吃了太多肉, 所以今日決定罷吃肉類, 來個平衡.

今早在家樂福買餸, 見到好大隻好靚的蜆, 一於買些來煮辣酒煮蜆吧! 

好大隻的蜆! 

這些蜆約為 HKD 31 一公斤, 和香港的比較算平還是貴?!

第一次煮蜆, 所以不敢買太多. 只買了一公斤再多些. 

先把蜆烚一烚, 全部蜆都開了殼! 看來質素不錯呢! 

完成! 超好味的辣酒煮蜆, 不過BEAR 投訴份量太少, 他說下次要買大量蜆!

始終蜆肉裡還有些沙粒, 下次要下多點清潔的功夫才行! 

做法:

1. 下油炒香蒜粒, 辣椒粒及洋蔥. 

2. 下預先烚好的蜆, 炒一炒. 

3. 落些少雞湯, 待滾; 再倒入白酒, 滾起後就成. 

我用的白酒是這一種:

鮮味神探

以為自己已克服了對蝦的敏感, 但我開始懷疑自己一直以來都只是吃對了蝦. 

事源早陣子從超市買了蝦白灼當晚餐, 這樣的食法不是第一次了. 

吃的時候已覺蝦有異樣, 不是變壞, 而是覺得口感很怪, 就是不新鮮!

晚飯後不消十分鐘, 覺得左眼眼皮異常痕癢, 而且愈來愈痕, 跟著面和頸都開始痕起來. 

在鏡子一看, 左眼像腫了像雞蛋一樣大; 面和頸都出了很多一粒粒 "蚊懶," 又紅又腫, 跟著手臂和心口都開始痕. 


上個月在香港時醫生給了一些抗敏感藥看門口. 

因為是第一次吃蝦後敏感到這樣子, 所以我立即 whatsapp 那位相熟的家庭醫生, 問問他應該如何做.


我: X 醫生, 我晚飯時食咗蝦, 宜家成面一粒粒好痕, 一隻眼腫咗, 要唔要睇醫生? 我 20 分鐘前食咗一粒 Xyzal. 

醫生: 影張相睇睇. 

我: (相片 X 3)

醫生: 有啲嚴重喎, 最好都係睇睇醫生, 要食強少少的藥. 

我: OK! 咁我宜家去睇. 

醫生: 冇咩事嘅. 不過食啲強啲嘅藥會快啲好. 

我: 好痕呀! 

醫生: 唔好 "R" 呀. 忍手! 可以試試凍敷. 


那天剛好是這邊的假期, 家樓下的診所關門. 要看醫生的話就要到離家 30 分鐘路程的醫院.

因為不是急症, 即使去了醫院都不知道要輪侯多久, 所以最後也沒有去看醫生, 只是吃香港的醫生開的藥.


一天過後, 面和頸的紅腫已散, 只是左眼還是有點腫.

想起自己偶爾一兩次吃了蝦餃喉嚨都會痕癢. 那些我不以為然的癥狀, 可能已是敏感的反應吧.

又想起好像我每次吃游水蝦後都沒有痕...


莫非我是鮮味 detector?!