於是決定煲花旗蔘雞湯! 立即打俾媽媽越洋請教.
資源有限, 用了花旗蔘, 乾瑤柱, 杞子, 薑. (如有蜜棗和米酒更好.)
家中只剩下幾粒乾瑤柱, 我很喜歡吃杞子, 所以加了大量.
雞先要出水, 去污物同肥油.
最複雜的過程是搣皮, 經過 失敗的泰式辣雞 一役之後, 今次我戴手套, 用剪刀, 過程非常順利. 同埋, 嚴禁 BEAR 在旁觀看過程!
這隻雞買回來時已去了內臟, 太好!
將所有材料滾呀滾, 滾一會放入真空煲, 慳煤氣又不用睇火.
煲了 3 小時左右, 完成!
後記: 味道不錯, 很香花旗蔘味! 不過略嫌不夠雞味, 可能我把雞出了 4 次水太多.
FongC9
回覆刪除2011年4月18日下午12:04
雞會有少少燥，不過用返 Ｄ 涼既野煲(好似花旗參)就無問題，唔好煲太耐都會有幫助～太涼唔受得我明，太燥熱唔係咁易煲～哈哈哈哈～你呢煲都勁燥啦，又雞又薑，多多花旗參先中和得返～哈哈哈哈～雖然我唔"好"飲湯，不過煲都 ok 架，蝦子餅鍾意飲呀嘛～返香港問定媽媽啦，寫低安全Ｄ～(我都有本 notebook 寫低好多 recipes 架～)
回覆
嘉芙蓮
嘉芙蓮
2011年4月20日上午4:13
哈哈! 唔知關唔關事, 我飲完之後一兩日爆左粒大瘡!
FongC9
FongC9
2011年4月16日下午10:48
我今次返都會買多 Ｄ 湯包返唻，呢到既選擇唔多～當然係煲豬肉啦，用豬頸骨，又平又香又有肉有骨～哈哈哈哈～你講既應該係豬" gin "肉，呢到 Ｄ 鬼佬唔識切，無得賣～不過你果到無乜豬肉賣，可以改用雞煲都得～煲完既湯渣好唔好食就見仁見智啦～我唔"好"飲湯之餘更唔鍾意食湯渣(青紅蘿蔔湯既紅蘿蔔除外)哈哈哈哈～我估我皮膚唔好可能係咁解，湯水唔夠卦？哈哈哈哈～
回覆
嘉芙蓮
嘉芙蓮
2011年4月17日下午10:42
其實雞湯係咪會有啲熱氣架? 我太涼太熱都唔受得, 好煩. 我都鍾意食紅蘿蔔湯渣, 好味過其他食法. 呢個湯我早排煲過, 簡單又好味.
FongC9
FongC9
2011年4月16日上午11:02
你返香港記得買多 Ｄ 湯包返去啦！我今日都煲咗清補涼煲豬肉/骨，好香～簡簡單單又一餐～哈哈哈哈～
咁又係，俾佢睇到驚勾起佢唔開心既回憶就唔係幾好啦～放在心就得啦～
回覆
嘉芙蓮
嘉芙蓮
2011年4月16日下午2:47
一定會買多啲料返黎. 你用豬肉呀? 我好鍾意食煲湯啲湯渣, 特別係豬肉呀, 點少少鼓油食, 一流!
小Nel
小Nel
2011年4月15日下午3:54
哈哈！你出四次水，我諗夠煲多煲湯囉！
回覆
嘉芙蓮
嘉芙蓮
2011年4月16日下午2:45
哈哈哈! 都係一次教訓! 下次唔會咁做喇!
LAUMIU
LAUMIU
2011年4月14日下午9:13
睇您碗老火湯嘅顏色巳經覺得好好味, 有料到. 今次您番香港可以入番多啲煲湯料番UAE啦.
我記得去過杜拜的某一些超市是有豬肉賣架. 但吾會好多, 您可以試試再找找噃.
回覆
嘉芙蓮
嘉芙蓮
2011年4月15日上午3:29
哈哈! 一定會買多啲湯料過黎! 我屋企附近有間超市有豬肉賣, 不過唔係成日入貨, 賣晒就冇. 真係要遇啱先買到.
bwing
bwing
2011年4月14日下午5:30
嘩! 咁大煲~ 有排飲喔!!
回覆
嘉芙蓮
嘉芙蓮
2011年4月15日上午3:26
飲晒喇.
非典型港女
非典型港女
2011年4月14日上午8:19
UAE 冇雞場咩？ 我見非洲d人都由得d雞隻走嚟走去 ===> 走地雞
回覆
嘉芙蓮
嘉芙蓮
2011年4月15日上午3:26
有冇雞場就真係唔知 bor. 不過走地雞好似多啲雞味?!
噢!地利 Oh!tria
噢!地利 Oh!tria
2011年4月14日上午4:15
出四次水
回覆
嘉芙蓮
嘉芙蓮
2011年4月15日上午3:25
宜家知道真係太多次喇.
FongC9
FongC9
2011年4月13日下午9:35
飲唔晒既湯仲可以用唻煮餸、煮麵，咁會快 Ｄ 飲晒～我好少煲咁大煲，得兩個人一定飲唔晒...加上我唔"好"飲湯～ 可能係咁，所以我地咁啱傾？！哈哈哈哈～可能我自少太獨立(去到冷血地步)，所以無乜所謂～哈哈哈哈～佢地而家幾好， keep 住食藥就得～你媽媽點呀？返到香港幫我問候吓阿伯友啦～(見你應該 close/private 咗篇 post ，哈哈哈哈～～～真係咁啱俾我睇到～哈～)
回覆
嘉芙蓮
嘉芙蓮
2011年4月13日下午9:42
我諗住過幾日煲個清清地嘅豆腐菜湯呀. 有心喇. 我媽媽都幾好呀. 宜家仲有返工. 我個篇野, 本來係寫俾媽媽睇, 不過諗諗下都係怕佢睇完喊, 所以都係收返埋. 哈哈!
Sammy
Sammy
2011年4月13日下午6:46
氽四次水
回覆
嘉芙蓮
嘉芙蓮
2011年4月13日下午9:24
哈哈! 經過今次知道唔好出咁多次水喇!
青蛙仔
青蛙仔
2011年4月13日下午4:49
真係出得太多次水了, 寧願煲好再撇油, 其實有個幾好的方法, 就係煲好唔飲住, 雪在雪櫃待油凝固, 就可以一次過除去, 到時再煲滾, 哈!
回覆
嘉芙蓮
嘉芙蓮
2011年4月13日下午5:10
係呀! 啱啱知道咗呢個方法, 下次會用. 我就係怕太多油所以係咁將隻雞出水, 結果油冇晒, 雞味都冇埋.
毛豆
毛豆
2011年4月13日下午3:07
溫馨提示 : 杞子雖對眼有益,但唔可以食太多....佢含好強胡蘿蔔素...會令皮膚同指甲變黃...同樣胡蘿蔔都係唔可以食太多同連食幾日...
回覆
嘉芙蓮
嘉芙蓮
2011年4月13日下午4:19
OH! 多謝你既提示! 真係唔知道 TIM! 因為之前上網睇話杞子對眼同皮膚都好好, 所以我食好多! 不過睇嚟以後真係唔好食咁多喇, 費事變咗黃面婆. 多謝你!
FongC9
FongC9
2011年4月13日上午11:19
慢慢學啦，煲湯呢家野我都唔係幾識，更加無咩時間去學～你而家有時間就煮多 Ｄ 、煲多 Ｄ 啦～～～ 啱啱睇完你篇文，其實唔使擔心太多，要對醫生要有信心。 想起上次回港是 2008 年十月中，因為一位老友結婚，加上是老爸要做人生中第一次(小)手術，那天兩個半小時的手術時間，媽媽哭得成淚人，才知道老爸是多堅強！(因為媽媽做了多次大大小小的手術了)當我聽媽媽說，要到手術室那層看看時，剛好老爸被推出來，他見到我第一樣便說："跟媽媽說沒事了，佢一定哭到收唔到聲啦！"...後來第二次的手術，因為我不在香港(哥哥在)，只能斷斷續續地跟媽媽通電話...還記得那晚掛心得不能入睡，整夜只能一面做教會小組的東西一面等，最後等到媽媽打電話來，已經是五時多六時了，剛剛日出...感到新的開始.....
回覆
嘉芙蓮
嘉芙蓮
2011年4月13日下午4:16
我覺得煲湯幾好玩. 同埋老公飲, 所以我都鍾意煲. 原來大家都有類似既經歷....你仲要喺咁遠, 等待有時真係好可怕....唔希望再有呢啲事件發生! 你爸爸媽媽宜家點呀? 有機會幫我問候下佢地!
Ants
Ants
2011年4月13日上午10:31
願妳家人都健康 蟻上
回覆
嘉芙蓮
嘉芙蓮
2011年4月13日下午4:11
衷心多謝你.
東主有喜
東主有喜
2011年4月13日上午10:13
下次剪左d 肥膏算啦...
回覆
嘉芙蓮
嘉芙蓮
2011年4月13日下午4:10
已經剪晒喇, 都係咁有肥油湧出黎! 所以以為出多幾次水會好啲, 結果係冇晒油, 不過雞味都冇埋!
GK Family
GK Family
2011年4月13日上午7:13
出四次水太多啦
回覆
嘉芙蓮
嘉芙蓮
2011年4月13日下午4:08
哈哈. 係呀. 下面有 BLOG 友教咗我點去肥油, 下次唔使出咁多次水.
非典型港女
非典型港女
2011年4月13日上午5:48
得閒煲多d湯水補吓身體～ 你地果度無走地雞賣？
回覆
嘉芙蓮
嘉芙蓮
2011年4月13日下午4:07
走地雞咁正既嘢點會有吖. 我呢隻係喺超市買, 不過都幾新鮮!
Yahoo! 用戶
Yahoo! 用戶 2011年4月13日上午4:44
家裡的老工人說要放豬肉在雞湯中！
回覆
嘉芙蓮
嘉芙蓮
2011年4月13日下午4:06
可惜 UAE 冇豬肉賣呀.
Pandora 香傭講法文
Pandora 香傭講法文
2011年4月13日上午4:24
出完4次乾哂
回覆
嘉芙蓮
嘉芙蓮
2011年4月13日下午4:05
下次唔敢出咁多次水喇!
小偉子
小偉子
2011年4月13日上午12:44
唔夠雞味??學淑儀姐話齋加粒佢做代言嘅濃X寶啦！
回覆
嘉芙蓮
嘉芙蓮
2011年4月13日下午4:05
係 BOR! 唔醒起! 話時話, 用豬骨濃 X 寶煮辛辣麵好好味架, 你得閒試下.
Amy Wong
回覆刪除2011年4月12日下午10:18
咁妳今次返嚟香港真係要帶多d嘢返過去啦.
回覆
嘉芙蓮
嘉芙蓮
2011年4月13日下午4:03
係呀! 一定要呀! 都諗住買多啲海味.
花子
花子
2011年4月12日下午7:37
出水一次就夠la~~~~ Ｄ鷄汁都出晒囉
回覆
嘉芙蓮
嘉芙蓮
2011年4月13日下午4:01
宜家終於知道出太多次水唔得! 真係唔夠雞味!!!
Rosemary Garden
Rosemary Garden 2011年4月12日下午6:01
好叻喎識煲老火湯添 , 有啲似火雞哦
回覆
嘉芙蓮
嘉芙蓮
2011年4月13日下午4:00
哈哈! 都係試下! 係呀, 隻雞都幾大隻. 抵食.
昇仔老豆
昇仔老豆
2011年4月12日下午1:28
努力!加油! 我幾十年來都唔煮飯, 來到UAE就真係冇計, 一個人自己煮比自己食, 而家覺得煮餐飯可能係呢度唯一娛樂, 我有時重會無聊到煮埋帶返公司同D印度同事分享下! 你得閒POST多幾味拿手菜, 等我學下野!
回覆
嘉芙蓮
嘉芙蓮
2011年4月13日下午3:59
哈哈! 我都係嚟咗 UAE 先識煮餸, 呢度食嘢選擇唔多, 又貴, 想食咩都試下自己煮. 我會參考呢兩個網頁, 不太複雜, 同埋幾好味架. 你都試下吖! http://www.christinesrecipes.com/ http://hk.myblog.yahoo.com/tony-karen
Jo
Jo
2011年4月12日下午1:10
去到外國，我都係最懷念一碗湯！真係冇湯水會死架！
回覆
嘉芙蓮
嘉芙蓮
2011年4月13日上午5:20
係呀, 不過我都係最近先學識煲湯! 其實幾好玩!
奶茶媽咪
奶茶媽咪
2011年4月12日下午12:15
連雞皮煲嘅湯真係好油，隔極都好似隔唔晒
你呢個方法幾好喎，搵次試吓先
回覆
嘉芙蓮
嘉芙蓮
2011年4月13日上午5:19
不過記得唔好好似我咁, 出咁多次水呀! 會唔夠雞味!
東主有喜
東主有喜
2011年4月12日下午12:11
做咩汆咁多次水既~~?
回覆
嘉芙蓮
嘉芙蓮
2011年4月13日上午5:18
哈! 諗住去肥油, 點知攪到冇咩雞味.
渣古全
渣古全
2011年4月12日上午11:22
好保喎...
回覆
嘉芙蓮
嘉芙蓮
2011年4月13日上午5:18
得閒飲下湯水, 滋潤養顏.
FongC9
FongC9
2011年4月12日上午11:18
出四次水當然無味啦！一次得架啦～我好懶，唔出水添～～～花旗參係涼既，加雞應該夠，唔使再加薑、榣枉都好夠味架啦～加咁多杞子會好快酸架！驚油就前一日煲，之後放雪櫃咁就易去油，唔係就用湯勺去油，唔難，做多兩次就得架啦～
哈哈哈哈～隻雞下次你可以出完水之後先切細佢，留一半唻煮野，咁唔使煲咁大煲得唻又有湯又有餸，話咁易又可以兩餸(甚至三餸)一湯～哈哈哈哈～～～
回覆
嘉芙蓮
嘉芙蓮
2011年4月13日上午5:17
哈哈! 多謝晒你方師奶! 好彩今次煲湯冇酸! 煲雞湯真係好多油, 下次要用放雪櫃的方法先得! 我就係唔識呢個方法, 所以係咁出水去油. 不過宜家知道唔 WORK 喇! 今次煲湯真係太大煲, 飲到今日仲有.
ringo 穎翱
ringo 穎翱
2011年4月12日上午11:16
Dhs 兌 港幣多少? 嗰邊都買到湯料嘅?
回覆
嘉芙蓮
嘉芙蓮
2011年4月12日上午11:19
1 Dhs = 2.11 HKD. 啲湯料咁正, 係香港拿過來的呀!
潮人
潮人
2011年4月12日上午10:18
梗係無雞味啦 出水一次就夠 .. 杞子太多湯會變酸 !
回覆
嘉芙蓮
嘉芙蓮
2011年4月12日上午11:14
咩會 變酸!! 好彩今次冇! 不過杞子真係好好味呀!
EE
EE
2011年4月12日上午9:54
出四次水真係太多啦!
回覆
嘉芙蓮
嘉芙蓮
2011年4月12日上午11:13
哈哈! 宜家明白晒!
Cutelady
Cutelady
2011年4月12日上午9:30
出四次水好似多咗喎, 我多數用竹絲雞煲湯~~
回覆
嘉芙蓮
嘉芙蓮
2011年4月12日上午11:13
係啦, 今次學到嘢喇. 下次唔出咁多次. 竹絲雞呢, 呢度有咁正嘅嘢就好喇.
森源
森源
2011年4月12日上午9:24
乜花旗蔘煲雞要落乾瑤柱同薑既咩？！！
回覆
嘉芙蓮
嘉芙蓮
2011年4月12日上午11:11
唔夠料嘛, 落啲 瑤柱諗住有味啲囉. 落啲薑, 唔會太 "涼" 嘛.
Ants
Ants
2011年4月12日上午8:31
ok咪得囉........無可能一次就完美............
回覆
嘉芙蓮
嘉芙蓮
2011年4月12日上午11:08
YEAH! BEAR 都話好好味. 哈哈哈!
毛豆
毛豆
2011年4月12日上午8:21
咩事4次水咁多呀....真係咩味都冇哂啦....1次足夠囉....點解唔俾BEAR先生旁觀呀..驚佢幫倒忙呀
回覆
嘉芙蓮
嘉芙蓮
2011年4月12日上午11:10
因為呢個 BEAR, 見到啲太血腥, 太核突嘅場面, 之後佢就會冇晒胃口. 哈哈!
笨啦啦
笨啦啦
2011年4月12日上午8:02
出水一次去皮 起晒d膏就得架啦 ............. 你個邊d雞咁大隻既 成隻火雞咁
回覆
嘉芙蓮
嘉芙蓮
2011年4月12日上午11:10
係呀, 呢隻雞幾靚呀, 又肥又大隻, 啲肥油多到吖.
Frances
Frances
2011年4月12日上午6:26
可能我把雞出了 4 次水太多--->>> ...一次就夠的喇~
最複雜的過程是搣皮-->>您成隻雞先剪走雞pat pat,
再剪開雞脾及翼位,全部拿去出水後,雞身用較剪
由中間頸位既皮一直剪下去,便好易去皮的了~
回覆
嘉芙蓮
嘉芙蓮
2011年4月12日上午11:07
哈哈! 隻雞好肥, 啲油多到呢, 所以諗住出多幾次水. 不過今次之後知道唔 WORK 喇! 下次試下你講的搣皮方法先.
KittyWong
KittyWong
2011年4月12日上午5:37
出四次水?!!?!?!!
我通常係雪藏嘢先會出一次水, 不過唔知岩唔岩架~
我都係用真空煲架!!!! 真係好方便!!
回覆
嘉芙蓮
嘉芙蓮
2011年4月12日上午11:05
隻雞太肥, 去咗皮都有大量肥油. 我以為出多幾次水有用 TIM.
Almaly 卡樂B媽咪
Almaly 卡樂B媽咪
2011年4月12日上午4:26
真係出得好多次水呀！
我唔會買成隻雞整，如果煲雞湯，會買幾隻雞髀，好容易就去到皮。油我就等煲好先隔返出黎。又時飲剩，放入雪櫃，第二日D油就结晒係面，用匙羹SCOOP起就成碗湯都無肥LU。
回覆
嘉芙蓮
嘉芙蓮
2011年4月12日上午11:15
因為我見隻雞煲極都仲有好多肥油出, 所以係咁出水. 不過今次學到嘢喇! 你放 雪櫃呢個方法幾好, 下次一定要試! 同埋我今次啲相用咗你講個 photoscape 整, 好正! 好多 function 呀!