正確點說, 他是選擇性地不吃魚.
熟的魚他從來不吃, 三文魚刺身則無任歡迎.
(據說 BEAR 在小時候已有能力將魚肉撈飯裡的魚肉碎挑出來!)
我就很愛吃魚, 生和熟的我都愛吃, 尤其愛婆婆和媽媽煮的新鮮蒸魚.
有一次, 和 BEAR 到魚市場, 陣陣魚味撲面.
我: 嘩! 好香的海水味同魚味!
BEAR: 好腥. 快啲走人!
又有一次, 晚飯期間 BEAR 意外地吃了一口熟的魚.
BEAR: 滑潺潺, 好核突.
我: 滑嘟嘟, 好好味.
哈哈! 我和 BEAR 代表了兩種對魚完全不同的態度!
前幾日, 我和 BEAR 到 Westin 吃自助餐, 餐廳有一個 grill station, 供應不同肉類及海鮮串燒.
其中一種串燒的配搭是蝦 + 魚.
蝦 BEAR 是必食的了, 但魚嘛...我估他一定會剩下來給我吃.
出乎意料之外, BEAR 竟然把整串串燒一個人吃光.
即是連魚他都吃下.
真是奇景.
我問 BEAR: 做咩你會食魚?
BEAR: 見啲魚烤得好香好靚, 所以即管一試.
我再問 BEAR: 咁你覺得啲魚好唔好食?
BEAR: 好食, 完全冇魚味.
說來說去, BEAR 都是不愛魚的味道.
他覺得好吃的, 竟然是沒有魚味的魚.
那...還算是魚嗎?!
Petite poupee @安提比
回覆刪除2013年4月30日下午7:22
does he like deep freid fish?
回覆
Pat Sun
Pat Sun
2012年7月26日上午10:44
Haha, my taste is the same in some way in those "tasteless fishy lol"...except the fact that i do not eat sashimi too lol!!
回覆
笨啦啦
笨啦啦
2012年7月18日下午11:37
哈哈 人既口味 好多時就係咁架啦 好似我咁 唔會食羊架羊滕呢d 但係會食中式羊腩煲 就係因為 d汁蓋晒羊肉d味 XD~
回覆
嘉芙蓮
嘉芙蓮
2012年7月20日上午4:14
係啦, 羊好重騷味, 唔係人人都接受到!
wtm246
wtm246
2012年7月18日上午7:25
沒有魚味的魚......(laughing)
回覆
嘉芙蓮
嘉芙蓮
2012年7月20日上午4:14
我都唔知仲有邊間餐廳會供應冇魚味的魚! 大難題!
shuk wa
shuk wa
2012年7月17日上午2:23
我男人係一隻喵
咩魚都愛
所以好多時蒸魚蒸到(thumbs up)(thumbs up)
好可惜,我不愛魚
回覆
嘉芙蓮
嘉芙蓮
2012年7月20日上午4:16
哈! 跟我同 BEAR 剛剛倒轉! 你不愛魚, 但你會食一兩啖嘛?
大頭文
大頭文
2012年7月16日下午4:36
你最近有冇去過yas hotel 呀,好似話裝修緊,有D擔心呀.....
顯示全部回覆 共4則
嘉芙蓮
嘉芙蓮
2012年7月17日下午3:59
BEAR 咁啱上星期去過, 佢話大門口同少少大堂部份裝修緊, 要喺另一邊入, 其餘地方冇咩受影響, 佢喺大堂嗰層的餐廳食嘢都冇噪音, 希望冇影響到你入住啦.
大頭文
大頭文
2012年7月17日下午6:39
多謝哂你,8月7的dinner book左在yas hotel的Origins,有冇幫親過呀.......
你有冇玩facebook呀...add我丫
nkm117@yahoo.com.hk
嘉芙蓮
嘉芙蓮
2012年7月20日上午4:13
Origins 平日的自助餐很不錯, 有生蠔, 海鮮, 牛扒, 羊架, 壽司, 甜品也很多種類. 不過你來的時候是 ramadan, 所以各間酒店的自助晚餐都改為 Iftar Buffet, 即是全是阿拉伯口味. 去年 Ramadan 期間我也去過 Origins 吃 Iftar Buffet, 食物不是不好吃, 只是樣樣都是阿拉伯菜, 不太合我和 BEAR 的口味, 不過有可能你們會喜歡吧. 有些阿拉伯飲品幾特別的, 記得試下. 你 FB 是否 set 了不被人 search 到? 因我用你提供的 email 找不到任何用戶.
大頭文
大頭文
2012年7月20日上午11:22
sorry呀....個seting改番喇
嘉芙蓮的相簿4000
森源
森源
2012年7月16日上午10:08
我都好少吃魚，怕魚腥！！........
不過間中吃下魚，對身體有益～～(nerd)
回覆
嘉芙蓮
嘉芙蓮
2012年7月20日上午4:16
講得啱呀! 魚好有益, 好有營養, 同埋媽媽話唔食魚會生痱滋!
Ants
Ants
2012年7月15日下午10:12
小時--我真是一點魚也不吃..........大了....才會吃點..........
顯示全部回覆 共2則
嘉芙蓮
嘉芙蓮
2012年7月20日上午4:17
我發覺其實好多男士們都唔愛食魚!
Ants
Ants
2012年7月20日上午5:06
因為男人怕「瘀」嘛........要face............
嘉芙蓮的相簿4000
青蛙仔
青蛙仔
2012年7月15日下午8:11
各人的口味確係好自我的!
回覆
嘉芙蓮
嘉芙蓮
2012年7月20日上午4:18
所以我唔明點解 BEAR 唔食魚, 而 BEAR 都唔明我點解咁鐘意食魚! 哈哈哈...
冬日 Winter
冬日 Winter
2012年7月14日下午10:58
Bear 無吃過魚....從不知新鮮魚的好味, 只知魚是鯹味, 是難頂的味
現在食...靚魚, 新鮮燒魚, 根本就無鯹味, 他便說無魚味 !!
日後, 妳要他給多點家用才可以食好魚, 新鮮魚, 靚魚...這些無味魚囉.....(laughing)
回覆
嘉芙蓮
嘉芙蓮
2012年7月20日上午4:18
哈哈! 我仲研究緊, 點樣可以整冇魚味的魚! 唔知有冇邊位烹飪專家幫到我! (laughing)
xxl
xxl
2012年7月14日下午1:43
起碼佢由抗拒, 到肯嚐試已經走向一大步, 你要多d鼓勵, 不過第日有個人同你爭食唔好賴我.(laughing)
回覆
嘉芙蓮
嘉芙蓮
2012年7月20日上午4:20
嘩...如果有一日 BEAR 同我爭食魚, 我要去買六合彩先得! 不過你講得啱, 佢自動自覺食魚, 已經係向前行咗一大步, 我都冇諗過佢會食囉!
Secret Rm
Secret Rm
2012年7月14日上午11:13
咁你可以買雪藏魚柳比佢食, 自己食新鮮既, 可以慳啲喎(big grin)
回覆
嘉芙蓮
嘉芙蓮
2012年7月20日上午4:22
好提議喎!!! 除咗雪藏魚柳之外, 我仲諗起可以焗 or 炸的魚手指! 夠香口, 又冇咩魚味, 啱晒 BEAR 的要求!
❤ 小白 ❤
❤ 小白 ❤
2012年7月13日下午10:40
聽你咁講，，我覺得Bear 其實係鐘意食香囗嘢多 d lor ..將條魚變咗身就掂喎!
回覆
嘉芙蓮
嘉芙蓮
2012年7月20日上午4:22
或者焗魚手指可以呃到佢! 哈哈哈!
ringo 穎翱
ringo 穎翱
2012年7月13日下午4:18
(smile)睇嚟佢只係怕魚腥味! 煎或炸魚可以試吓!(thinking)
回覆
島耕作
島耕作
2012年7月13日下午4:07
口味既嘢好難講.(thinking)
回覆
bwing
bwing
2012年7月13日下午3:55
咁你要鑽研下哩d 無味魚係點整喇~
回覆
渣古全
渣古全
2012年7月13日上午11:49
好多人都是只吃三文魚刺生的...
回覆
毛豆
毛豆
2012年7月13日上午10:00
我有d朋友都怕食魚, 佢地最大誤解就係因為俾街市既魚檔腥味誤導左...其實任何新鮮魚都唔會有腥味, 煮左既機會更加少於生既...
冇魚味既魚, 一係雪藏得好耐, 一係就用左好多濃味醃料...反而唔係新鮮魚(smug)
回覆
噢!地利 Oh!tria
噢!地利 Oh!tria
2012年7月13日上午4:51
熟魚不吃, 刺身無任歡迎<< 我都係咁架. 如果真係要食熟魚,我要食冇魚味架.(laughing)