因工作關係, 近半年以來 BEAR 經常都要到北京, BEAR 10月這次的公幹, 我便隨他一起出發! 於是我便在 BLOG 和 Facebook 消失了幾個月...連生果日報都看不到...現在很多 VPN 在中國已經用不到的了...
說實話, 之前我對北京這個地方是沒有多大興趣的, BEAR 叫了我好多次一起去北京我都不理他, 我選擇留在阿布扎比, 或是在香港. 而我這次北京之行, 是在飛機起飛前 5 個小時我才決定同行的. :P
今次到北京最難忘是遇到幾次的雪, 天氣非常之冷, 溫度幾乎天天都是在零度以下. 有一天我們到了一個在山上的公園 (景山公園), 那時的氣溫更是在零下十度, 或許更低! 真的冷到咀也僵硬了!
莫說在阿聯酋不會下雪, 那邊的冬天一點都不冷, 所以雪景嘛, 對我們來說真的太新奇! 不過拍雪景照也是有點難度, 戴著手套手機感應不到手溫, 所以要拍照, 首先是手要抵得冷呢!
北京空氣如何?
回覆刪除有幾日真係好差, 望出街灰灰濛濛咁, 好多人都戴口罩出街. 好彩我已離開咗北京, 唔係呢幾日空氣咁差就大穫了.
刪除失蹤咁耐仲以為你又飛左去太平洋對岸, 原來返左祖國XXD
回覆刪除由沙漠國入到冰雪之地, 反差大到冇盆友啦, 但俾我都係鐘意有雪玩下, 對上一次係N年係北海道既雪天, 都好耐囉.....你手凍就應該搓幾個雪球打下雪仗先,好快就會feel到手越來越暖了...台面2隻擬似雪人既物體係你既杰作呀..hahaha~~~
有冇上埋長城做下好漢呢, 雪中既長城超勁靚架^^
係囉, 返咗祖國咩網都上唔到. 北海道的雪天, 加埋啲小屋陪襯, 應該好靚! 枱面啲雪人係路人甲砌架, 諗返起我都早知砌一個啦. 好可惜冇去到長城, 初到埗時冇去, 之後的日子已經太凍所以冇去了. 下次吧! 有朋友都話雪中的長城係好靚, 特別係高啲的地方, 冇咩遊人嗰邊.
刪除由咁熱嘅地方去咗落雪嘅地方咪覺得特別凍囉?
回覆刪除係呀, 真係好凍! 不過好彩所有室內地方都有暖氣! 喺酒店仲可以著短衫短褲訓覺! :D
刪除有一種手套手指位有個通電位的.體育用品店可以搵到.
回覆刪除原來有啲咁方便的東西! 多謝你話我知呀!
刪除期待更多妳對北京感受同分享呢!
回覆刪除嗯嗯...都影咗啲相, 希望同大家分享下啦!
刪除