話說下午 3 時許, 我們都在書房, BEAR 在打機, 我在上網, 我一直聽到有很大的 "呼呼" 聲 (後來我們發現那些"呼呼" 聲其實是來自出面的風聲), 不過我沒有為意, 以為是 BEAR 打機的聲音.
之後我發現聲音好像是從另一邊傳過來, 我又以為出面走廊有人洗地或吸塵. 過一會, 我覺得房裡很焗, 於是準備去開窗.
一去到窗邊, 就見到家對出的海面有很多很密的白頭浪, 前面視野很濛, 對面的 Yas Island 也看不清.
之後見到樓下泳池旁邊的枱和椅都被吹翻了, 很多鄰居的露台被吹至一片凌亂. 我們放在露台的晾衫架, 上面晾著很多衣服, 應該是很重的, 但也被風吹倒! 視野朦朧, 周圍是沙飛來飛去, 應該是沙塵暴! 
我們立刻去把家裡所有窗關上. 但已經太遲. 客廳的地已鋪滿沙.
(其實風應該吹了很久, 不過我們沒留意.)再開門出露台, 嘩! 真的超級大風, 我敢說比香港 8 號風球還要強勁得很多很多. 不過我還是要拍低相片和 VIDEO. 我只是出去露台 3 分鐘左右, 回來竟然口裡也有沙!
從露台望出去, 平日的 Yas Island V.S. 沙塵暴下的 Yas Island:
之後上網看看發生甚麼事, 原來是杜拜和 Sharjah 有沙塵暴. 杜拜離我這裡不太遠, 120 公里左右, 所以也受影響. 聽說杜拜的情況幾嚴重, 能見度很低, 只有幾米, 而且事發突然, 很多人要跑去室內地方. 市內垃圾桶和雜物周圍飛, 有不少汽車損毀.
拍自我家的露台 (記得開 speaker):
只是個多小時, 拿起茶几上的枱墊, 竟然變成這樣子......
Puiman
回覆刪除2012年2月19日上午8:47
請問這種小型沙麈暴，天文台會預測到並預先報告的嗎？
回覆
嘉芙蓮
嘉芙蓮
2012年2月19日上午11:34
你講得啱呀, 天文台會有預先報告. 不過有時候, 可能個沙塵暴嚟得太快而報唔切! 而更加大可能係我地冇咩留意天氣報告呢. 不過宜家住耐咗, 大概都知如果出面好大好大風, 咁就好大機會係有沙麈暴.
Rosemary Garden
Rosemary Garden 2011年2月28日下午8:28
如果再遇哩啲情況 , 最好快啲揾嘢蓋住的電視電腦等等的電器 , 如果比啲沙從隙縫位入左去就麻煩喇!
回覆
嘉芙蓮
嘉芙蓮
2011年2月28日下午11:10
你講得好岩呀!!! 一陣整壞架電腦就大件事, 咩都唔使做喇!!! 住喺沙漠地區有時都係麻煩啲!
Wavetop
Wavetop
2011年2月7日上午1:53
中東的國家大部份位處沙漠，而UAE在波斯灣邊緣，有D海風吹下也不算太差，內陸地區夏天吹火風（你地有可能會在今夏接觸到的加強版沙塵暴 ），會熱到你窒息，無事幹都是留在家嘆冷氣吧
回覆
嘉芙蓮
嘉芙蓮
2011年2月7日下午6:37
對呀! 聽說這裡夏天會好熱, 四十幾度. 都係留係屋企嘆冷氣! Nice to meet you!
Vanessa
Vanessa
2011年2月2日下午4:42
咁你咪有排抹沙～
回覆
嘉芙蓮
嘉芙蓮
2011年2月2日下午5:21
多謝到訪! 係呀, 的沙周地都係. 尋日抹完, 今日又吹過, 真係好煩呀!!!
昇仔老豆
昇仔老豆
2011年2月1日下午12:34
我估今天你應該感受到更強一點的風沙了,不過應該會再強一點的
回覆
嘉芙蓮
嘉芙蓮
2011年2月1日下午2:19
是呀. 今朝起身, 連少少 Yas Island 都看不見!
安靜人
安靜人
2011年2月1日上午2:33
妳好, 我都是第一次黎,
印象中是因為轉機所以到過這地方, 近似的情況在開羅試過, 可能妳拍時附近無樹, 路牌等東西, d浪又無hk打風西利, 只有好明顯風聲, 所以從片中睇又好似唔係好勁, 不過又真的, 那邊地方空曠, d風會突然吹黎, 同埋好勁, 但是睇唔到的, 因為曠野什麼都無......
我想妳曾經是香港人?
回覆
嘉芙蓮
嘉芙蓮
2011年2月1日上午2:48
多謝到訪. 係呀. 正如我所講, 呢次係一次好小兒科既沙塵暴! 上youtube睇過一的超大塵既沙塵暴, 真係嚇死人. 我以前住係HK架, 我黎左呢度幾個月.
真靈思 Janus
真靈思 Janus
2011年1月31日下午8:59
如果在空曠地方更恐怖！
回覆
嘉芙蓮
嘉芙蓮
2011年2月1日上午2:49
多謝你黎我個BLOG! 記得以後多的黎呀.
昇仔老豆
昇仔老豆
2011年1月31日下午6:20
真正的沙塵暴還沒有來到,耐心等著吧,我工作的地盤離你家不遠,見過兩三次真正強勁的沙塵暴,一吹便連續數小時,多數在天氣回暖時太陽烈的時候發生的,還有一兩個月時間,走著朝吧,不單要有口罩,還要準備護目鏡,尤幸不是經常發生的!
回覆
嘉芙蓮
嘉芙蓮
2011年2月1日上午2:45
睇黎好多地道野我都未真正體驗到呀!
Pandora 香傭講法文
Pandora 香傭講法文
2011年1月31日下午4:37
很特別吖...你屋企個景真正
回覆
嘉芙蓮
嘉芙蓮
2011年2月1日上午2:44
謝謝!
無敵の部屋
無敵の部屋
2011年1月31日上午10:42
hi, 你好! 我也要拜訪一下你卜哩 !
你住阿聯偤....幾好噃 ! 你家風景真不錯 ! 係囉, 沙漠地區有沙塵暴真的不是什麼大事情, 看來你會慢慢接受哩 !!
回覆
嘉芙蓮
嘉芙蓮
2011年1月31日下午3:53
歡迎光臨! 以後多的黎丫. 沙塵暴真係好常有, 岩岩又有喇!
Jo
Jo
2011年1月31日上午10:03
嘩！呢啲會唔會有預警架？如果冇，出左街先吹咪好狼狽？
你可能要好似當地婦女咁，要帶絲巾出街，都可以遮下塊面，以防萬一！
回覆
嘉芙蓮
嘉芙蓮
2011年1月31日下午3:48
我諗都要靠自己睇天氣報告! 你既提議唔錯bor, 最好加埋太陽眼鏡, 咁就萬無一失!
Rony
Rony
2011年1月31日上午9:37
原來你係阿聯酋生活，多多指教呀 !
回覆
嘉芙蓮
嘉芙蓮
2011年1月31日下午3:46
多謝你黎我個BLOG! 多多指教! 我黎左呢邊, 差不多4個月.
表叔公
表叔公
2011年1月31日上午9:36
you work in Dubai?
回覆
嘉芙蓮
嘉芙蓮
2011年1月31日下午3:45
其實係我老公係阿布扎比做野, 我跟埋佢過黎.
三藩市師奶
三藩市師奶
2011年1月31日上午12:54
你的Video拍得很高清呀，果D沙沙聲是風沙拍打窗做成的吧？
回覆
嘉芙蓮
嘉芙蓮
2011年1月31日上午4:50
多謝到訪. 個日真係好大 風呀!
名牌四眼妹
名牌四眼妹
2011年1月30日下午10:24
你住倘環境好正呀 ,酒店定住家lai ga
回覆
嘉芙蓮
嘉芙蓮
2011年1月30日下午10:30
多謝到訪. 以後多的黎丫. 個度係我屋企黎架.
江岸蘆葦
江岸蘆葦
2011年1月30日下午6:17
我成日以為阿布達比即係杜拜添
回覆
嘉芙蓮
嘉芙蓮
2011年1月30日下午7:02
多謝你黎我個BLOG! 唔....兩個地方其實幾近, 80分鐘車程左右啦.
非典型港女
非典型港女
2011年1月30日上午4:09
都幾得人驚 wor... 下次出去影相記住帶迷口罩！
回覆
嘉芙蓮
嘉芙蓮
2011年1月30日上午4:15
希望冇下次啦! 抹地抹到傻.
阿懶
阿懶
2011年1月30日上午1:57
經常都會聽到... 杜拜航班因沙廛暴DELAY
回覆
嘉芙蓮
嘉芙蓮
2011年1月30日上午2:00
係呀, 都算係沙漠地區既 "特色" 啦.