另類手信 2

就快回香港探親, 近日想著買甚麼手信給親朋戚友好.

其實 UAE 有好多手信值得買, 例如 dates, 駱駝擺設, 圍巾等, 各俱特色. (詳見: 返香港手信).)

後來逐漸各樣手信買得多收得多, 大家都厭!

加上 dates 真的不是個個啱口味 (我自己就非常喜歡吃), 有人好老實的說, dates 好難食, 千祈唔好再買!

於是乎選擇又少了一個!

妹妹 4 月時來 UAE 玩, 隨便在超市買了幾罐雞午餐肉給香港的朋友作手信, 結果大受歡迎!

大家對雞午餐肉非常感興趣, 連收到其他禮物做手信的朋友們都嚷著要試!

可能平常大家吃的午餐肉都是豬肉為主, 所以對雞午餐肉特別好奇吧! 

UAE 是回教國家, 豬肉被禁, 所以一般餐廳都會用雞肉代替豬肉.

例如日式餐廳的咖哩吉列雞扒飯; 中餐館的 BBQ 雞肉飽 (叉燒飽); 麥當勞的雞柳蛋漢堡.

以上三樣以雞代豬的食物我都吃過, 但坦白說, 和用豬肉做出來的味道和口感都分別不大! 

不過既然之前的反應咁好, 今次我一於買雞午餐肉做手信啦!

希望收到的朋友喜歡! 


P.S. 其實我還見到魚午餐肉, 不過製造地方是新加坡, 那就算吧!