到達杜拜國際機場

4 點半左右飛機降落, 真的好累呢!!!
因為架機需要係曼谷停一停, 個度停左好耐, 要等人清潔, 又有人上機, 所以差不多香港時間 3 點幾成訓, 只訓得幾個鐘!
杜拜機場好豪華, 好大, 好光猛. 在機場我終於見到地道既中東人.

我地有 5 箱行李, 大部份既日用品, 家具等都交由運輸公司運過黎. 我地足足 pack 左 16 箱野呀!
拿完行李, 就去搭車. 我地既目的地係 Abu Dhabi, 離杜拜 2 個小時車程左右. 幸好 Emirates 有安排車黎接我地.

坐車途中, 欣賞下杜拜既景色, 呢個地方有好多高樓大廈, 好多都起得好宏偉. 我覺得呢度的車開得好快, 同埋很多車亂 CUT 線.

見到杜拜塔, 好高, 有機會一定要上去. 其實都見到好出名既帆船酒店, 不過架車太快, 影唔到相.

差不多到達 Abu Dhabi 時, 正值返工時候, 所以好塞車, 真係好累, 好想快的去到酒店訓覺. 酒店環境唔錯! 有廚房, 洗衣機! 呢度打長途電話好貴, 上網同家人報個平安, 沖個涼, 即刻去訓覺. Zzzzz....